April 17, 2024
Tirana, Albania
Kronikë Lajmi i fundit

Vrau 2 vëllezërit në Durrës, Klevis Alla dënohet me 25 vite burg

Gjykata e Posaçme ka dënuar me 25 vite burg Klevis Allën për vrasjen e vëllezërve Haxhia në Durrës, ngjarje kjo e ndodhur në prill të vitit 2020, në zonën e njohur si tregu i makinave.

Për te pandehurin Altin Ndoci gjykata dha pafajësi,  teksa Besian Xhixha u dënua me 6 vjet burg, ndërsa Enver Diva me 5 vjet.

I penduari i drejtësisë, Klevis Alla, ka rrëfyer në Gjykatën e Posaçme ekzekutimin e vëllezërve Besmir e Viktor Haxhia prillin e vitit 2020 në Durrës. Sipas Allës, ekzekutor ishte Nuredim Dumani, aktualisht i penduar i drejtësisë.

Sipas të penduarit Alla, ditën e ngjarjes, Nuredin Dumani mbante në kokë një kapuç si ata të policisë. Bashkë me të ka qenë edhe një person tjetër, që nuk e njihte.

Alla ka treguar se ka qenë ai personi që e ka telefonuar Besmir Haxhinë, duke i kërkuar të takoheshin. “Nuk e dinim se Besmiri do të vinte tek tregu i makinave në Shënavlash bashkë më vëllanë e tij Viktorin”, ka pohuar Alla.

I penduari ka pohuar se sapo është afruar automjeti “Volsvagen Golf” Nuredin Dumani ka ulur xhamin e makinës dhe ka hapur zjarr. Zjarr ka hapur edhe personi tjetër.

Sipas Klevis Allës, pasi ka qëlluar në distancë, Nuredin Dumani ka zbritur nga makina, është afruar dhe ka qëlluar sërish mbi dy vëllezërit Haxhia.

Pas këtij veprimi, ata kanë lëvizur drejt varrezave ku Nuredini dhe ai personi tjetër kanë zbritur dhe kanë marrë rrugën drejt Tiranës. Ndërsa Alla e ka braktisur makinën “Mercedes” disa metra poshtë varrezave, ku ka hedhur edhe armët e zjarrit.

Leave feedback about this

  • Quality
  • Price
  • Service

PROS

+
Add Field

CONS

+
Add Field
Choose Image