April 24, 2024
Tirana, Albania
Bota

Presidenti i Botswana-s kërcënon Gjermaninë: Do t’u dërgojmë 20, 000 elefantë, nuk pranojmë “jo” për përgjigje

Presidenti i Botswana-s, në Afrikën Jugore, ka kërcënuar që të dërgojë 20 mijë elefantë në Gjermani pas një mosmarrëveshjeje për konservimin e tyre.

 

Më herët gjatë këtij viti, ministria e Mjedisit në Gjermani sugjeroi që të vendoseshin ligje me strikte për importimin e trofeve nga kafshët e gjuetisë.

 

Në përgjigje, presidenti i Botswana-s, Mokgweetsi Masisi deklaroi për mediat gjermane se këto masa thjesht do të varfëronin më tej njerëzit në vendin e tij.

 

Ai deklaroi se numri i elefantëve në vend ka dalë jashtë kontrollit si pasojë e përpjekjeve për ta ruajtur këtë specie, duke shtuar se gjuetia ishte ajo që i ndihmoi që t’i mbanin numrat nën kontroll.

 

“Gjermanët duhet ta provojnë të jetojnë bashkë me këto kafshë, ashtu siç po na thonë ne të bëjmë,” tha Masisi për gazetën gjermane Bild. “Kjo nuk është shaka,” shtoi ai.

 

Botsëana është shtëpia e rreth një të tretës së popullsisë botërore të elefantëve, mbi 130 mijë të tillë, më shumë nga se toka aty mund të mbajë.

 

Tufat e elefantëve po shkaktojnë dëme të pronave, po hanë të mbjellat dhe po trembin banorët, sipas Masisi-t.

 

Botswana i ka dhënë më herët 8,000 elefantë fqinjit të saj, Angolës, dhe i ka ofruar qindra të tjerë Mozambikut në tentativa për ta ulur popullatën e tyre.

 

“Do të na pëlqente t’i ofronim një dhuratë të tillë edhe Gjermanisë,” tha Masisi duke shtuar se nuk do të pranojë “jo” për përgjigje.

Leave feedback about this

  • Quality
  • Price
  • Service

PROS

+
Add Field

CONS

+
Add Field
Choose Image