April 24, 2024
Tirana, Albania
Bota Lajmi i fundit

“Raketat do të bien mbi Bruksel”, Ministri i Jashtëm i Ukrainës: Na jepni sistemet e raketave ‘Patriot’

 

Live TV

 

“Raketat do të bien mbi Bruksel”, Ministri i Jashtëm i Ukrainës: Na jepni sistemet e raketave ‘Patriot’

 

Nga Erjon Dervishi

3 Prill 2024, 19:44 | Bota

 

 

Ukraina është e pakënaqur me ndihmën që merr nga partnerët perëndimorë. Ata nuk po ofrojnë mjaftueshëm mbrojtje ajrore për t’u mbrojtur kundër sulmeve raketore ruse edhe pse kanë më shumë se 100 sisteme “Patriot” në arsenalet e tyre.

 

Kështu është shprehur ministri i Jashtëm i Ukrainës, Dmytro Kuleba gjatë një interviste për Agjencinë e Lajmeve Reuters.

 

“Ukraina është aktualisht i vetmi vend në botë që mbrohet nga sulmet me raketa balistike pothuajse çdo ditë. Kjo do të thotë se të gjitha raketat e disponueshme ‘Patriot’ në botë që mund të furnizohen në Ukrainë duhet të dorëzohen sa më shpejt të jetë e mundur. Nuk ka asnjë vend më të rëndësishëm për ta sesa Ukraina”.

Kuleba paralajmëron nga Brukseli ku ndodhet në takimin e Ministrave të Jashtëm të NATO-s, se nëse Ukraina nuk e fiton luftën, raketat ruse do të bien mbi Europën.

 

“Kur them se Evropa do të jetë në luftë dhe raketat do të bien mbi Brukselin dhe qytetet e tjera evropiane, nuk po e ekzagjeroj. E gjithë kjo do të ndodhë nëse Ukraina nuk e fiton luftën kundër Rusisë. Pra, mënyra më emirë për të shpëtuar ushtarët tuaj nga vdekja është të dërgoni sistemin Patriot në Ukrainë dhe t’u jepni ushtarëve ukrainas gjithçka që u nevojitet”.

 

Presidenti rus Vladimir Putin ka thënë shpesh herë se Moska nuk ka interes të pushtojë vendet e tjera evropiane. Por Ukraina mendon ndryshe. Sipas presidentit të Ukrainës, Volodymyr Zelensky, Rusia po përgatitet të mobilizoj 300,000 trupa të tjera duke filluar nga 1 qershori.

Leave feedback about this

  • Quality
  • Price
  • Service

PROS

+
Add Field

CONS

+
Add Field
Choose Image