June 5, 2024
Bota

Orban i bashkohet “botës serbe”, Dodik e dekoron. Kryeministri hungarez: Ja si ishte jeta si serb

Viktor Orban tashmë ka edhe një tjetër të përbashkët me Vladimir Putinin, por edhe Sllobodan Millosheviçin: dekoratën më të lartë nga Republika Srpska e Bosnje-Hercegovinës. Lideri separatist Milorad Dodik i dorëzoi vetë çmimin nderues kryeministrit të Hungarisë, me këtë të fundit që nxori fjalë dashurie në drejtim të politikanit të sanksionuar nga Amerika.

 

Kaq mjaftoi për Orban që në mendjen e tij të zgjoheshin kujtimet për ish-Jugosllavinë dhe se si ishte jeta si serb: “Më kujtohet se si ishte të jesh serb në kohën e ish-Jugosllavisë dhe kur ishte më e zhvilluar se ne dhe i kam vëzhguar serbët kur Parlamenti hungarez votoi për njohjen e Bosnje-Hercegovinës. Unë e respektoj mënyrën se si serbët kërkojnë dhe gjejnë vendin e tyre në epokën moderne. Unë gjithmonë i kam mbështetur serbët sepse kam fituar bindjen se politika ndërkombëtare është e padrejtë ndaj tyre”.

 

Orban mbështeti kritikat në drejtim të përfaqësuesit ndërkombëtar për Bosnje e Hercegovinën duke e konsideruar provokues ligjin e ri zgjedhor, ndërsa Dodik kërcënoi edhe njëherë me ndarje territoriale. Kjo nuk e shqetësoi liderin hungarez që premtoi të ndihmonte në bashkimin e të ashtëquajturës “botë serbe” dhe favorizimin e tyre gjatë presidencës së Bashkimit Europian në korrik të këtij viti.

Leave feedback about this

  • Quality
  • Price
  • Service

PROS

+
Add Field

CONS

+
Add Field
Choose Image