May 13, 2024
Tirana, Albania
Politikë

A do të rikthehet Bamir Topi në politikën aktive? Ish-Presidenti: Nuk e mohoj si mundësi, por…

Ish-Presidenti i Republikës, Bamir Topi, i ftuar në studion e emisionit “Kjo Javë” në News24 ka folur në lidhje me mundësinë e rikthimit të tij në politikën aktive.

Topi u shpreh se i sheh partitë politike në vend me probleme të mëdha, por nuk e përjashton si mundësi angazhimin.

Ish-Kreu i Shtetit theksoi se momentalisht një bindje e brendshme për nevojën për t’u angazhuar nuk ekziston, por ka pasur kërkesa për përfshirjen e tij.

“Unë bej politikë, këtu diskutojmë për politikë, por ende nuk kam një bindje të brendshme për nevojën për t’u angazhuar në mënyrë shumë aktive në parti politike, Ende i shoh ato me probleme të mëdha. Nuk e mohoj si mundësi, sepse nuk jap përgjigje absolutiste, po apo jo, por sot për sot nuk kam bindje, por kur kam bindje e shpreh.

E kërkojnë në disa nivele, sigurisht e kërkojnë angazhimin. Angazhimi nuk mund të jetë thjesht mekanik, por duhet të jetë bindje e thellë e brendshme, nëse pjesëmarrja jote kontribuon realisht, apo do jesh një njeri që futesh në ato labirintet e errëta dhe pengesat që janë shtuar kohët e fundit”, u shpreh Topi.

Leave feedback about this

  • Quality
  • Price
  • Service

PROS

+
Add Field

CONS

+
Add Field
Choose Image