June 5, 2024
Kronikë Lajmi i fundit

Mashtrimet online/ Kompania fantazmë e makinave me qira, që merrte lekë nga emigrantët

Shtimi i fluksit te turisteve ne Shqipëri, ka rritur ndjeshëm nevojën e shërbimeve te ndryshme, përfshire edhe sektorin e makinave me qera. Ky lloj shërbimi ne shume raste sigurohet nëpërmjet faqeve qe reklamojnë mjetet prodhim i viteve te fundit, duke sjelle konkurrence ne cilësi dhe ne çmime. Si ne rastin e Rental auto 24 cityal, e cila duket se ka eksperiencën e duhur per te na shërbyer me një mjet te përshtatshëm për shijet tona, dhe padyshim me çmim tepër special.

Dhe nisur nga kjo, komunikuam me kompaninë përmes numrit te publikuar në Instagram. Makina u prenotua për pak minuta, përmes një komunikimi korrekt si me çdo kompani te ngjashme serioze. Pas kësaj bisede te pare, sipas udhëzimeve, na duhet te bëjmë nje pagese prej 80 euro ne forme kapari. Jo ne llogarinë bankare te kompanisë, por ne adrese te një personi, me emrin Arsid. Ok, këtu duket se serioziteti i kompanisë është lëkundur paksa, por sidoqoftë mendimi se do kemi një makine me çmim tepër te favorshëm, na e rikthen entuziazmin.

Sipas premtimit, pagesën e bëjmë ne një agjenci te transferimit te parave. Nuk vonon shume dhe kompania nëpërmjet personit me emrin Arsid konfirmon se ka marrë paratë dhe gjithçka është në rregull. Pasi kemi prenotuar dhe depozituar kaparin, sipas kërkesës se kompanisë, me ne fund ka mbërritur dita për te tërhequr makinën ne Aeroportin e Rinasit.

Te entuziazmuar se kemi bere një marrëveshje te favorshme, paraqitemi ne orën e caktuar ne pritje te marrjes se çelësave nga njeri prej punonjësve te shumte te Rental Auto 24 Cityal. Një pritje shumë shumë e gjate pa asnjë rezultat. Punonjësi i kompanisë nuk është paraqitur, makine nuk shihet askund, dhe për te na konfirmuar seriozitetin dhe korrektesën qe i karakterizon, na bene edhe bllok ne telefon. Ok, e gjitha kjo qe sapo pate, ishte nje demonstrim se si mund te mashtrohesh nga faqet online te shërbimeve. Jo me aktore apo inskenime, por me personazhe reale.

Pra me vetëdije te plote pranuam te mashtrohemi, pavarësisht se per këtë pseudokompani kishim informacion te detajuar te strategjisë qe përdornin ndaj viktimave. Sipas skenarit, mashtruesit kërkojnë një kapar qe varion nga 80 apo 100 euro, deri ne 150 Euro. Ne rastin e këtij zotërie, kërkesa ka qene maksimale. I bindur qe ka bere një prenotim te rregullt, ai ka zbritur ne aeroport me idenë se dikush nga kjo kompani do ta priste me makinën qe kishte zgjedhur.

Ne këto kushte kur nis te kuptoje mashtrimin, ai kërkon te mësoje me shume për personat qe kishte kontaktuar. Për këtë kërkon ndihme ne agjencitë e tjera te makinave me qera ne zonën e aeroportit. Ne te paktën katër raste te tjera, kjo pseudokompani, qe ne realitet duket se është një bande mashtruesish, ka futur ne kurth persona te ndryshëm me gjoja kaparin e makinave, te cilat ne realitet nuk ekzistonin, por ishin thjeshte foto te shkarkuara nga interneti. Ketu jemi jo vetëm përballe një denoncimi, por edhe ne zotërim te disa fakteve për këtë bande mashtruesisht, te cilët sipas informacioneve qe morëm, janë nga Malësia e Madhe.

Tani rikthehemi serish ne historinë qe nisem t’ju tregojmë, dhe tek mashtrimi qe me vetedije e pranuam te na ndodhte, pas denoncimit te këtij zotërie. Te dy personat qe kane tërhequr paratë ne agjencitë e transfertave, kane te njëjtin mbiemër, dhe pas verifikimeve tona, rezulton te jene kushërinj nga qyteti i Koplikut, atje ku shkojmë për t’i takuar.

Personi i pare që takojmë është nëna e Arsidit, te cilit vetëm pak dite me përpara i kishim bere një transferte prej 80 eurosh. Nena e cila e tronditur nuk arrin ta besoje atë qe ka ndodhur, mban direkt qëndrim ndaj veprimeve prej mashtruesi te djalit.Ndërsa ne flasim me nenën, ne shtëpi mbërrin vëllai, i cili menjëherë e mohon se Arsidi mund te jete i përfshirë në një skemë të tillë./ Piranjat