May 13, 2024
Tirana, Albania
Kronikë

Nga shpërdorimi i kompetencave te hedhja e inerteve në vijën bregdetare, arrestohen katër persona në Durrës

Arrestohen katër persona në Durrës ku dy prej tyre ishin të shpallur në kërkim për vepra të ndryshme penale. Mësohet se një 47-vjeçar dhe një 30-vjeçar të dy në kërkim janë arrestuar për veprat penale shpërdorimi i kompetencave, kanosja dhe dëmtime me dashje.

Ndërkohë dy persona të tjerë janë arrestuar në flagrancë për veprat penale hedhja e inerteve në vijën bregdetare dhe drejtimi i automjetit në gjendje të dehur. Me rastet do të merret Prokuroria e Durrësit.

Njoftimi i Policisë:  

Durrës/Vihen në pranga 4 shtetas, 2 prej tyre në kërkim, për vepra të ndryshme penale.

Specialistët për Hetimin e Krimeve Ekonomiko-Financiare të DVP Durrës ndaluan shtetasin në kërkim B. M., 47 vjeç, banues në Arapaj, pasi Gjykata e Shkallës së Parë e Juridiksionit të Përgjithshëm Durrës e ka dënuar me 1 vit burgim, për veprën penale “Shpërdorimi i kompetencave”.      

Specialistët për Hetimin e Krimeve të Komisariatit të Policisë Durrës arrestuan në flagrancë shtetasin D. Sh., 49 vjeç, banues në lagjen nr. 7 Durrës, pasi ka hedhur inerte në vijën bregdetare, në lagjen nr. 1, Durrës. 

Gjithashtu, nga këta specialistë u kap dhe u ndalua shtetasi Sh. D., 30 vjeç, banues në Durrës, i shpallur në kërkim për veprat penale “Kanosja” dhe “Dëmtime të tjera me dashje”.    

Specialistët e Sektorit të Policisë Rrugore të DVP Durrës arrestuan në flagrancë shtetasin N. Ç., 61 vjeç, banues në Durrës, pasi është kapur nga shërbimet e Policisë, duke drejtuar automjetin, në gjendje të dehur. 

 Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.