May 13, 2024
Tirana, Albania
Kulturë

Notre – Dame rilind nga hiri, katedralja rifiton pamjen ikonë 5 vite nga zjarri

Katedralja Notre-Dame e Parisit po rifiton dalëngadalë pamjen e saj ikonë, pas gati pesë vitesh punimesh rindërtimi pas zjarrit masiv që dëmtoi rëndë çatinë e saj dhe bëri që kulmi i saj të shkërmoqet.

Më 15 prill 2019, një zjarr i madh shpërtheu në Notre-Dame. Flakët shkatërruan strukturën e çatisë së monumentit dhe më pas u përhapën, duke shkatërruar majën, neosin dhe çatitë e tërthorta dhe kornizat e tyre prej druri.

A2 CNN ka qenë ndër të paktat televizione shqiptare që ka raportuar live nga ngjarja tragjike teksa historia e saj po shkatërrohej.

Skelat që kanë rrethuar pjesën më të madhe të fasadës së katedrales kanë filluar të hiqen pak nga pak dhe një majë e re tashmë është e dukshme, pasi Parisi shënoi të hënën përvjetorin e pestë të flakëve.

Jo pjesë e dizajnit origjinal të katedrales – e cila u ndërtua mbi gati 200 vjet duke filluar nga mesi i shekullit të 12-të – maja 96 metra e lartë u shtua gjatë një restaurimi të shekullit të 19-të nga arkitekti Eugene Viollet.

Rreth 500 punëtorë janë të pranishëm në vend çdo ditë, duke garuar me kohën për të rindërtuar katedralen, monumenti më i vizituar në Evropë përpara zjarrit.

Presidenti francez Emmanuel Macron ka thënë se puna e restaurimit është në plan, me katedralen e planifikuar të rihapet për publikun më 8 dhjetor 2024.