May 27, 2024
Kosova Lajmi i fundit

AK-47, karikatorë, municione dhe elektroshok, zbulohet baza e armëve në shtëpinë e një serbi në Zveçan

Policia e Kosovës njofton se ka gjetur dhe sekuestruar një sasi të konsiderueshme armësh dhe municionesh si dhe materiale të tjera luftarake në një banesë, në fshatin Zveçan i vogël.

Sipas njoftimit të policisë, ata kanë marrë informacione se në Zveçanin e vogël, në një shtëpi dyshohet për armë ilegale. Menjëherë ata kanë organizuar aksionin e tyre dhe gjatë kontrolleve në këtë banesë ata kanë gjetur dhe konfiskuar në tavanin e saj dy armë zjarri AK-47, disa karikatorë, një sasi e municionit dhe një elektroshok.

Policia  e Kosovës deklaron gjithashtu se banesa i përket një shtetasi serb, i cili aktualisht ndodhet në Serbi, ndërsa ka nisur hetimet për zbardhjen e plotë të kësaj ngjarjeje.

NJOFTIMI I POLICISË SË KOSOVËS:

Policia e Kosovës, me datën 21.04.2024 rreth orës 10:30, si rezultat i angazhimeve të saja ka pranuar një informacion se në Zveçanin e vogël, në një shtëpi dyshohet për armë ilegale.

Sipas detyrës zyrtare është njoftuar prokurori kujdestar, me autorizim të të cilit zyrtarët policorë sipas procedurave të parapara kanë realizuar një operacion të kontrollit të një shtëpie, në tavanin e së cilës janë gjetur dhe konfiskuar dy armë zjarri AK-47, disa karikatorë, një sasi e municionit dhe një elektroshok.

AK-47, karikatorë, municione dhe elektroshok, zbulohet baza e armëve

Policia  e Kosovës posedon informacione lidhur me personin e dyshuar mashkull serb të cilit i përket shtëpia e banimit, e i cili dyshohet se gjendet në Serbi.

AK-47, karikatorë, municione dhe elektroshok, zbulohet baza e armëve

Vlen të potencohet se ky rast nuk ndërlidhet me procesin e votimit, për apo kundër largimit nga funksioni i Kryetarëve të Komunave të Mitrovicës së Veriut, Zubin Potokut, Leposaviqit dhe Zveçanit.