May 13, 2024
Tirana, Albania
Bota Lajmi i fundit

Tragjike, vriten 4 policë, plagosen 4 të tjerë

Katër policë u vranë dhe katër të tjerë mbetën të plagosur si pasojë e të shtënave me armë në një shtëpi në Charlotte të Karolinës së Veriut, gjatë operacionit për arrestimin e një të dyshuari.

 

Shefi i policisë Johnny Jennings e quajti incidentin më tragjikun në karrierën e tij 32-vjeçare të zbatimit të ligjit.

 

Oficerët mbërritën në vendngjarje për të ekzekutuar një urdhër-arresti për armëmbajtje pa leje ndaj një të dënuari dhe u vunë në shënjestër sapo iu afruan shtëpisë së tij.

 

Pas neutralizimit të agresorit, policia hyri në banesë ku hasi në rezistencën e një personi të dytë, i cili gjithashtu hapi zjarr ndaj tyre.

 

Më pas, operacioni zgjati për disa orë dhe të shtëna u dëgjuan herë pas here, deri në momentin kur forcat speciale hyn në ndërtesë dhe neutralizuan të dyshuarin.