May 27, 2024
Kronikë Lajmi i fundit

Aksidenti me një viktimë në Durrës/ Del VIDEOJA, si fluturoi “Benzi” në krahun tjetër të rrugës duke marrë çdo gjë para

Një aksident i rëndë rrugor ka ndodhur pasditen e djeshme në Durrës, ku një 17-vjeçar me automjetin e tij ka përplasur një person që lëvizte me biçikletë dhe një me motoçikletë.

 

Përplasja ka rezultuar fatale për drejtuesin e biçikletës ndërsa drejtuesi i motoçikletës është plagosur. Shoferi 17-vjeçar ka humbur drejtimin e makinës së tij tip “Benz” dhe ka përfunduar në krahun tjetër në rrugës.

Gjithçka dyshohet se ka ndodhur si pasojë e një parakalimi të gabuar. Raportohet se pasi u largua nga vendngjarja, policia ka bërë të mundur arrestimin e të riut, por ende nuk ka një njoftim zyrtar nga policia për ndalimin e tij.