“Do të vrisnin Volodimir Zelenskin si dhuratë për Vladimir Putinin, teksa ai betohej për një mandat tëri në Kremlin”. Ishte ky misioni i dy agjentëve rusë, të cilët siç bënë me dije shërbimet e sigurisë në Kiev, ishin ndaluar së fundmi.
Përmes një njoftimi në Telegram, SBU-ja ukrainase njoftoi se personat e ndaluar ishin kolonelë të gardës shtetërore, të cilët ishin rekrutuar nga shërbimet sekrete të Moskës dhe që i siguronin autoriteteve atje informacione të fshehta.
Ata kishin detyrën të gjenin dikë të afërt me gardën presidenciale që mund ta merrte peng Zelenskin dhe më pas ta vrisnin atë. Siç thuhet, spiunët rusë kishin planifikuar gjithashtu të eliminonin kreun e shërbimeve të sigurisë, Vasil Maliuk dhe Kirilo Budanoc, shef i inteligjencës ushtarake.
Shërbimet e sigurisë në Ukrainë nuk e sqaruan se në çfarë pike ishte parandaluar komploti. Muajin e kaluar Moska refuzoi të komentonte lodhur me një person të arrestuar në Poloni, i cili akuzohej se bashkëpunonte me inteligjencën ruse për vrasjen e Zelenskit.
Udhëheqësi ukrainas, i cili prej më shumë se dy vitesh udhëheq përpjekjen për të sprapsur pushtuesit rus deklaroi gjatë vjeshtës së shërbimet e sigurisë në vend kishin parandaluar të paktën 5 komplote për ta vrarë.
