May 13, 2024
Tirana, Albania
Kronikë Lajmi i fundit

U ekzekutua brenda makinës në sy të gruas dhe fëmijës, ky është Roan Brahimi, 32-vjeçari i cili u vra në mes të Athinës

Roan Brahimi është 32-vjeçari, i cili u ekzekutua me armë zjarri në Athinë mbrëmjen e së enjtes (9 maj), ngjarje e cila është parë nga familjarët e tij, gruaja dhe vajza e mitur.

Skenat e panikut që pasuan vrasjen mizore u përshkruan nga një biznesmen, dyqani i të cilit ndodhet pak metra larg vendit të ekzekutimit.

Ekzekutohet shqiptari në Greqi, mediat greke nxjerrin pamjet: Autorët e kanë ndjekur, gjithçka ndodhi para syve të djalit

Sipas tij, fillimisht ka dëgjuar tre të shtëna dhe sapo ka dalë nga dyqani i tij për të parë se çfarë ka ndodhur ka parë një grua në gjendje shoku

“Kam dëgjuar tre të shtëna. Në atë moment dëgjova në radio se tifozët e Olimpiakosit po hynin në stadium dhe pyeta veten ‘a filluan fishekzjarrët tani?’

“Unë dola në hyrje të dyqanit tim dhe shoh një grua që hap derën e makinës dhe bërtet”, tha më tej pronari i dyqanit, i cili tha se “kur vrasësi qëlluan me armë kishte dhe fëmijë”.

Si ndodhi vrasja

Gjithçka ndodhi pak pas orës 21:30 të së enjtes në rrugën Messolongiou kur viktima ishte në makinë me një grua.

Roan Brahimi u ekzekutua në qendër të Athinës, në 2020 i qëlluan me armë lokalin e të atit në Lezhë! Dy kushërinj ju vranë në një atentat në 2014

Papritur një motoçikletë ka kaluar makinën dhe një person ka nxjerrë një armë dhe ka nisur të qëllojë në automjet.

Burri ka vdekur nga të shtënat, ndërsa gruaja fillimisht u raportua se mbeti e plagosur, por më pas u saktësua se nuk kishte pësuar lëndime.

Kush është viktima?

32-vjeçari, i cili njihet edhe si armiku i Ervis Martinajt ka qenë një personazh i lakuar në disa ngjarje të rënda kriminale në qarkun e Lezhës, por jo vetëm.

Vritet armiku i Vis Martinajt në Greqi/ Gazetarja: Viktima Roan Brahimi kërkohej për vrasjen e Brilant Martinaj

Tre vite më parë, ai u shpall në kërkim nga policia pasi dyshohej se së bashku me 2 persona të tjerë, mes të cilëve Ramazan Rrajën dhe Alesio Dobrozin mësynë të armatosur në ambientet e një lokali në Lezhë.

Në atentatin 22 korrikut 2022, ku ka qene i përfshirë Roan Brahimi shpëtoi Ylli Ibrahimi por u vra Klisman Preçi. Atentati ndodhi kur të dy po ktheheshin në shtëpi me makinë të blinduar, kur u qëlluan me breshëri kallashnikovi.