June 5, 2024
Bota Lajmi i fundit

Gordana “acaron” Greqinë, e quani vendin Maqedoni, lë sallën ambasadorja greke gjatë betimit

Një skandal diplomatik mund të rindizet midis Greqisë dhe Maqedonisë së Veriut. Presidentja e sapozgjedhur e Maqedonisë së Veriut Gordana Silianovska, ka bërë betimin në një seancë të posaçme të Kuvendit.

 

Por Silianovska gjatë betimit e quajti vendin “Maqedonia”, edhe jo Maqedonia e Veriut, emri i saj zyrtar. Ambasadorja e Greqisë në Maqedoninë e Veriut, e ftuar në seancën e Kuvendit për betimin e Gordana Silianovska, u largua në shenjë proteste për faktin se kjo e fundit gjatë kohës së saj i referohej vendit si “Maqedonia”, duke shkelur Marrëveshjen e Prespës.

 

71-vjeçarja Gordana Silianovska u zgjodh presidente e Maqedonisë së Veriut në raundin e dytë të zgjedhjeve presidenciale të mbajtur të mërkurën, më 8 maj, si kandidate e VMRO-DPMNE-së, duke fituar me një përqindje prej 65% ndaj presidentit aktual të vendit, Stevo Pentarovski.

 

Paralelisht me raundin e dytë të zgjedhjeve presidenciale, në vend u mbajtën edhe zgjedhjet parlamentare, në të cilat partia opozitare e djathtë VMRO-DPMNE fitoi një fitore të madhe, duke marrë 58 nga 120 vendet në Parlament. Kjo parti filloi negociatat me koalicionin e partive opozitare shqiptare “VLEN” për formimin e qeverisë.