June 5, 2024
Kronikë Lajmi i fundit

Po shkonte në punë, ky është polici 28-vjeçar që u vra në Fier, RENEA i vihet pas autorit

Novruz Cenalia, personi që shihni në foto është polici i vrarë mesditën e sotme në Fier.

28-vjeçari, efektiv i forcave ‘Shqiponja’ ishte nisur për të shkuar në punë kur u vra me armë zjarri nga shtetasi Asllan Mërnica.

Ka dyshime se polici me origjinë nga Hasi është vrarë pas një konflikti të çastit. Ngjarja e rëndë ka ndodhur në fshatin Baltëz të Fierit dhe autori është larguar me një mjet tip ‘Audi’.

Policia ka arritur që të gjejë makinën me të cilën është larguar autori i vrasjes së policit 28-vjeçar Novruz Cenalia.

Makina është gjetur e braktisur në një lagje afër fshatit Baltëz në Fier, pra afër vendit të vrasjes.

Ndërkohë, FNSH ka ngritur postblloqe në Vlorë me qëllim kapjen e autorit, i identifikuar si Asllan (Azgan) Mernica.

EMRI/ Vritet me armë zjarri polici i “Shqiponjave” në Baltëz të Fierit, shkak një sherr i çastit mes tij dhe autorit