Kohët e fundit në rrjet kanë qarkulluar lajme se aktori italian Massimiliano Varrese do të udhëtojë drejt Shqipërisë për tu përballur me Heidi Baçin në shtëpinë e “BBV”.
Së fundmi, Massimiliano iu ka dhënë fund zërave përmes një postimi në InstaStory, teksa tregoi se ka marrë një ftesë të tillë nga “Big Brother VIP”, por theksoi nuk do të vijë në Shqipëri për Heidin, por për fansat që dëgjojnë muzikën e tij.
Artisti tregoi se pas 30 majit do të vijë në Shqipëri për të performuar këngën e tij të re.
“Përshëndetje të gjithëve. Këto ditë kam dëgjuar një lajm se do të shkoj në Shqipëri për të bërë një përballje me Heidin. Jo, nuk është kështu. Po është e vërtetë që do të shkoja në Shqipëri për të kënduar muzikën time. Më kanë ftuar shumë emisione në Shqipëri, mes tyre edhe Big Brother Shqipëri. Më vjen keq, nuk kam mundur të shkoj sepse kam impenjime të tjera në Itali dhe Zvicër. Do të vija për të kënduar, sepse ka shumë fansa shqiptarë që dëgjojnë muzikën time dhe bëjnë story. Nuk mund të vij tani por do të vij pas 30 majit për të kënduar këngën time të re.”– tha Massimiliano.
Heidi Baçi u bë e njohur me pjesëmarrjen e saj në “Grande Fratello” në Itali dhe nisi një histori dashurie me aktorin 20 vite më të madh se vetja.
Pas takimit me të atin, Genti Baçi i cili shprehu mospëlqimin për lidhjen e tyre, konkurrentja doli nga shtëpia, duke vazhduar më pas eksperiencën e saj në “Big Brother VIP” në Shqipëri.
