June 6, 2024
Aktualitet Lajmi i fundit

“Më është kërkuar të ruaj sekretin hetimor”, kryebashkiakja e Durrësit flet pas daljes nga SPAK

Kryebashkiakja e Durrësit, Emiriana Sako pas daljes nga SPAK, tha se ka dhënë shpjegime për një çështje në hetim dhe që nuk ka lidhje me detyrën e kryebashkiakes.

 

“Isha për të dhënë shpjegime për një çështje në hetim, për të cilën më është kërkuar të ruaj sekretin hetimor. U pyeta për diçka që nuk ka lidhje me detyrën time si kryetare bashkie”, tha Sako.

 

E pyetur nëse u pyet për inceneratorin e Tiranës, Sako u përgjigj negativisht.

 

Kryebashkiakja e Durrësit u fut e vetme në dyert e SPAK dhe mendohej se u thirr për kontratat me Inceneratorin e Tiranës, lidhur me mbetjet nga Durrësi, por që u mohua prej saj pas daljes nga SPAK.