Personi në foto është 29-vjeçari Armond Peshku, i cili humbi jetën pas një aksidenti në një minierë në Martanesh të Bulqizës, mesditën e sotme.
Bëhet me dije se Armond Peshku me detyrë vagonist është aksidentuar gjatë orarit të punës në minierë dhe ka marrë plagë të rënda në trup, ku fatkeqësisht nuk ka mundur të mbijetojë dot.
Ndërsa, mbeti i plagosur edhe shoku i tij po me detyrë vagonist, Hajdar Balla i cili është dërguar me helikopter drejt spitalit të Traumës në Tiranë, për ndihmë më të specializuar mjekësore.
Sipas policisë, dy të rinjtë i ka zënë një masiv mineral teksa ishin duke punuar, ndërkohë po punohet për zbardhjen e plotë të rastit.
