Një incident ajror është regjistruar në New Mexico. Një aeroplan ushtarak është rrëzuar në afërsi të aeroportit ndërkombëtar Albuquerque. Mësohet se në bordin e aeroplanit ishte një pilot, i cili ka përfunduar i plagosur në spital.
Mbetet e paqartë nga cili aeroport ishte ngritur në ajër aeroplani, kurse disa media raportojnë se bëhet fjalë për një aeroplan F-35 që u përplas.
Autoritetet akoma nuk kanë zbuluar shkakun e rrëzimit, ndërsa dëshmitarët thonë se kishte patur probleme në fluturim pasi ishte ngritur në ajër.
