June 19, 2024
Bota Lajmi i fundit

Qëllohen me thikë para shkollës dy vajza të vogla në Francë

Dy vajza të vogla u qëlluan me thikë përpara shkollës së tyre në Souffelweyersheim, një qytet i vogël pranë Strasburgut në Francë. Mediat franceze bëjnë të ditur se sulmi ndodhi pak pas orës 14:00, ndërsa policia arrestoi autorin.

 

Dy vajzat janë të moshës 6 dhe 11 vjeç mbetën trë lënduara lehtë në rrugën pranë shkollës së tyre.

 

Sipas autoriteteve vendase të gjithë fëmijët e shkollës fillore jashtë së cilës ndodhi ngjarja me thikë janë aktualisht në objektin e shkollës për arsye sigurie.

 

Nga të dhënat paraprake mësohet se sulmuesi është me probleme mendore. Sipas policisë autori 29-vjeçar, autori “nuk është i njohur për autoritetet”, dhe motivet e tij “duket se nuk lidhen me radikalizimin”.

 

Pas ngjarjes prindërit u mblodhën para shkollës për të marrë informacion mbi situatën. Një zëdhënës i prefekturës u shpjegoi të pranishmëve se situata ishte nën kontroll dhe se kërcënimi ishte shmangur.