Një 36-vjeçar shqiptar është arrestuar në Itali nën akuzën për tentativë vrasjeje. 36-vjeçari, me një çekiç në dorë, ka sulmuar të dashurin aktual të ish-partneres së tij, duke i shkaktuar lëndime shumë të rënda në kafkë.
Sipas mediave italiane, ngjarja ka ndodhur në Prato dhe vetëm ndërhyrja e shpejtë e autoriteteve, ka parandaluar vrasjen. Ndërkohë, i plagosuri është dërguar në spital dhe ndodhet në gjendje të rëndë.
