June 5, 2024
Aktualitet Lajmi i fundit

Pse emëruat në krye të IT të Policisë një person pa certifikatë sigurie? Si përgjigjet Muhamet Rrumbullaku?

Drejtori i Policisë së Shtetit Muhamet Rrumbullaku, në fjalimin e mbajtur përpara gazetarëve, u pyet nga gazetarët se përse ka emëruar një person pa certifikatë sigurie në krye të IT të Policisë së Shtetit.

“Nuk keni informacionin e duhur dhe jeni të gabuar në pyetjen që bëni”, tha Rrumbullaku.

“Përsëritësi” Ervin Muça, njohjet personale me të birin e Muhamet Rrumbullakut. A do të mbajë përgjegjësi kreu i Policisë së Shtetit?

Gazetari: Pse emëruat në krye të IT të Policisë së Shtetit një person, pa certifikatë sigurie në kohën kur plasi skandali i TIMS. Pse e kthyer në detyrë, pasi kishte pak ditë që e kishit pezulluar?

Muhamet Rrumbullaku: Për ju dhe publikun e gjerë, duhet të dini mjaft mirë legjislacionin shqiptar në lidhje me informacionin e klasifikuar sekret shtetëror dhe procedurat e aktet normative që ndihmojnë punën për procedurat që ndiqen për pajisjet me certifikatë sigurie të të gjithë drejtuesve policorë, sipas vendimit të Komisionit. Nuk keni informacionin e duhur dhe jeni të gabuar në pyetjen që bëni.