Serbi, dy të arrestuar për vrasjen e një 2-vjeçareje, ishte zhdukur javën e kaluar

Vajza 2-vjeçare Danka Iliç që rezultonte e zhdukur prej 26 Marsit është vrarë.

Policia serbe ka arrestuar dy persona të dyshuar për vrasjen e saj njoftoi presidenti Aleksandar Vuçiç në një seancë speciale të qeverisë serbe.

“Kemi një lajm të keq për fëmijën nga Bori; Danka Iliç është vrarë,” tha Vuçiç, për mediat serbe.

“Policia arrestoi dy persona që vranë Dankën dhe nga sa kuptoj unë, të dy rrëfyen krimet e tyre” tha ai. Më tej shtoi se policia po i dërgon në vendin ku ndodhet kufoma e fëmijës.